Papiamentu
Kuerpo Polisial Hulanda Karibense (KPCN) ta pidi ayudo di komunidat pa lokalisá Pedro Courtar, un hóben di 16 aña, kende a keda reportá komo desaparesí.
Segun polis, Pedro a bandoná un instituto na Hanchi Amboina riba djamars anochi, 1 di sèptèmber, alrededor di 10:30 or. Desde e momento ei, Pedro no a regresá i te awor polis no a logra kontakta ni lokalis’é.
E último biaha ku Pedro a keda mira, e tabata bistí kompletamente na pretu i tabatin un tas pretu di Nike riba su lomba. Polis ta pidi publiko pa tuma nota di e potrèt pa por rekonosé e hóben.
Polis ta apelá na tur hende ku por a mira Pedro òf ku tin kualke informashon ku por yuda determiná su paradero pa reportá esaki mesora.
KPCN ta pidi tur hende ku tin informashon pa no warda i pa tuma kontakto ku polis lo mas pronto posibel.
Kargando komentarionan...